Угарлыг газ — өң чок, чыт чок хоралыг газ. Ол газ, нефть, хөмүр, ыяш долузу-биле өрттенмейн чыдырда тыптып келир. Угарлыг газ ханның гемоглобини-биле холчу бергеш, мага-ботче кислородтуң киреринге шаптараазыннарны тургузуптар. Сагындырыглыг им-демдектери чок боорга, ону «үн чок, оожум өлүрүкчү» деп чон адай берген.
Профилактиктиг хемчеглер
Дериг-херекселди доктаамал хынаар:
• Печкалар, каминнер, газ котёлдары болгаш суг изидер дериг-херекселдерниң канчаар ажылдап турарын доктаамал хынаар.
• Ыш үнер хоолайларны болгаш оран-саваны агаарладыр черлерни доктаамал хыналдага алыр, арыглаар.
• Газ дериг-херекселдерин ажаап-тежээри-биле тускай компания-биле керээден чарып алыңар. Олар чогуур үе-шаанда үе-үе болгаш хыналданы чорудуп берип турзун.
• Үрелген дериг-херекселдер ажыглаваңар.
• Хөмүр азы ыяш төндүр өрттенмээн шаанда, печканың боскунда үттү хаап болбас.
Эки агаарладыр:
• Агаар үндүрер черлерни хаап болбас.
• Чылыг азы газ херекселдери ажылдап турда, өрээлди агаарладыр.
• Кухняга агаар арыглаар херекселден салып алыңар.
Дүрүмнерни эки сагыңар:
• Өрээл чылдыр дээш, газтыг плиталар ажыглаваңар.
• Машинаны хааглыг гаражка мотору ажылдадыр арттырбаңар.
“Шын” №36 2026 чылдың сентябрь 17
Чурукту ГигаЧатка чураан.
"Шын" солуннуң МАХ-каналынга каттыжыңар: max.ru/channel_shyn