Тываның Баштыңының албан-дужаалын хүлээнген байырлыг ёзулал соонда бодалдар

Тыва Республиканың Дээди Хуралының Даргазы Каң-оол ДАВАА:
2021 чылда соңгулдаларга Владислав Ховалыг мурнуку 5 чылдарда күүседир ужурлуг программазын республиканың чурттакчы чонунга таныштырган болгай. Ол программаны боттандырарда, Тываның Баштыңы улуг организакчы шынарын көргүзүп, аңаа бүгү курлавырларны хаара тудуп шыдаан. Орук, чуртталга-коммунал ажыл-агый, тудуг дээш өске-даа адырларга ханы инфраструктурлуг өскерлиишкиннер болган. Ол чедиишкиннер Тываның Баштыңынга база катап соңгуткан Владислав Ховалыгның командазының хевирлеп тургусканы “2.0 Улусчу программаны” ажыл-агыйга херек кырында боттандырарынга үндезин болур. Ол программа Тываның бүгү чонунуң программазы-дыр, чүге дээрге ону ажылдап кылырда, хөй кижилерниң санал-оналдарынга даянган болгай. Ынчангаш шупту демниг, чаңгыс команда бооп ажылдаар бис.
/ Ш. МОҢГУШ.
Буян ООРЖАКТЫҢ тырттырган чуруу.
Шын” №38 2026 чылдың октябрь 1
"Шын" солуннуң МАХ-каналынга каттыжыңар: max.ru/channel_shyn