Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Ие капиталындан төлевир

Читаемое
22 ноября 2026
11

Тывада 2026 чылдың эгезинден бээр 180 ажыг өг-бүле ие капиталының 10 муң рубль чедир арткан акшазын Россияның Социал фондузунуң регионалдыг салбырындан алган.

Төлевирни өг-бүлелерге, ажы-төлүнүң назы-хары азы ада-иезиниң акша-хөреңгизиниң байдалының барымдаазы чокка, берип турар. Кол негелде – ие (өг-бүле) капиталының сертификадында 10 муң рубль чедир арткан акшалыг болуру. Бо күрүне ачы-дузазы 2024 чылдың сентябрьда ажылдап эгелээн.

Ие капиталында арткан, 10 муң рубльга чедир, акшазын алырда, билдириишкинни “Күрүне ачы-дузазы” порталы таварыштыр, Россияның Социал фондузунуң Тывада чон хүлээп алыр кайы-даа албанынга азы Хөй угланыышкынныг ажыл-чорудулгалыг төпке киирер.

“Эрткен чылдан эгелеп, ие капиталының билдириишкиннерин сайгарар үезин кыскалаткан. Россияның Социал фондузунуң Тывада салбыры документилерни хүлээп алганындан бээр он эвес, а беш ажыл хүнүнүң дургузунда шиитпирни хүлээп алыр. Акша-хөреңги банкының агар санынче, база-ла, беш ажыл хүнүнүң дургузунда шилчип кээр. Арткан акшазын чаңгыс катап төлээрин дилеп, билдириишкин киирген кижилерни үр манатпас апарган” — деп, Россияның Социал фондузунуң Тывада салбырының оралакчызы Урана Монгуш дыңнаткан.

Сертификатта арткан акшазының түңүн хынап алырда, “Күрүне ачы-дузазы” порталындан ушта бижилгени чагыдып алыр, ол бир хүн дургузунда хамаатының хууда кабинединге чедип кээр.

Сертификаттың акша-хөреңгизин өг-бүлеге ажыглаарының, үстүнде айыттынган чаңгыс катап төлевирден аңгыда, алды аргазы көрдүнген:

- чурттаар оран-савазының байдалын экижидери;

- өөредилге дээш ачы-дуза төлевири (ооң иштинде, бөлгүмнер болгаш секциялар дээш);

- эвээш орулгалыг өг-бүлелерге ай санында төлевир;

- авазының азы ачазының чыылда пенсиязы;

- кадыының байдалы кызыгаарлыг уругларны ниитилелче киирер болгаш чаңчыктырар социал ачы-дузазы болгаш бараан садып алыры дээш төлевир.

Республиканың чурттакчылары немелде медээни Россияның социал фондузунуң Чаңгыс аай харылзаа төвүнүң 8-800-100-00-01 халас телефон дугаарынче долгааш, билип ап болур. Оон аңгыда фондунуң Тывада салбырының чон хүлээп алыр албан черлеринге база баргаш, консультацияларны алыр.

Россияның Социал фондузунуң Тыва Республикада салбыры.

Чурукту «Тываның буянныг чүректери» аныяктар шимчээшкининден алган.

«Шын» №45 2026 чылдың ноябрь 19

"Шын" солуннуң МАХ-каналынга каттыжыңар: max.ru/channel_shyn