Апрель 26-да Тыва үндезин культура төвүнге республика чергелиг ыры-хөгжүм ансамбльдериниң аразынга «Хөөмей чаа үении-биле» деп мөөрей болуп эрткен.
Организакчыларның дыңнатканы-биле, мөөрейни сураглыг “Амырга-Моос” бөлүүнүң тургузукчузу, ТШО-нуң болгаш өске-даа дайынчы хөделиишкиннерниң, оларның аразында Сирий Араб Республикага болган дайынның хоочуну Салчак Доржуга “Тыва Республиканың алдарлыг артизи” хүндүлүг атты тывысканынга тураскаадып эрттирген.
Мөөрейге республиканың шылгараңгай коллективтери киришкен. Оларның күүселдезинде хөөмей амгы үении-биле бир тускай дыңналып, чаңгыланган.
Жюри кежигүннери киржикчилерниң оюн-көргүзүүнүң бедик шынарлыын, дидимин демдеглээн.
Түңнелинде мөөрейниң Дээди шаңналын “Эзим” бөлүү чаалап алган.
“Хараача”, “Овур-Хевир”, “Уван-Шуу” – I, II, III чергениң лауреаттары болганнар.
Дараазында бөлүктер номинация аайы-биле тиилекчилер болган:
“Эң дээре хөгжүмнүг бөлүк” шаңналга “Эреге” бөлүү; “Аяннашкаа дээш” – 55-ки гвардейжи мото-адыгжы (даг) бригаданың шериг оркестри; “Бир янзы интерпрета- ция” – «Пограничник» бөлүү; «Дебют» — «Дээрбек” бөлүү; «Интерпретация дээш идегел» – «Дээрбе», «Ай-Херел» бөлүктери.
Медээни болгаш чурукту Тыва үндезин культура төвүнден алган.
“Шын” №16 2026 чылдың апрель 30
"Шын" солуннуң МАХ-каналынга каттыжыңар max.ru/join/egenQ...