Россия Федерациязының Президентизи Владимир Путин Новосибирск облазынга ажыл-албанының аайы-биле чорда, Россия Федерациязының Президентизиниң Сибирь федералдыг округта бүрүн эргелиг төлээзи Анатолий Серышев үдеп чораан.
Күрүне баштыңы регионнуң найысылалынга Новосибирскиниң күрүне университединиң тускай өөредилге-эртем төвүнүң ажылы-биле танышкан. Президент төптүң спорт залын болгаш библиотеказын сонуургап, студентилер, аспирантылар база аныяк эртемденнер-биле чугаалашкан. Россияның Президентизи НКУ-нуң чаа өөредилге чери-биле база танышкан.
Новосибирск хоорайга чорааш, Владимир Путин эртем болгаш өөредилге талазы-биле чөвүлел хуралын эрттирген. Хурал мурнунда Президент «Сибирьниң долгандырыглыг фотон үндезиннери» коллективитиг ажыглал төвүн көрүп, ол эң улуг эртем дериг-херекселин ажылдадырынга белеткел ажылдары-биле танышкан.
«Сибирьниң долгандырыглыг фотон үндезиннери» төп — энергетиканың ортумак хемчээлинге ындыг херелдениишкин алыр делегейде эң эки дөс болур. СКИФ-тиң ажыглакчылары шупту херек инфраструктураже кирер арганы алыр, а шинчилелдерни доктаамал кылып болур апаар. Дериг-херекселдер теоретиктиг шинчилелдерден аңгыда, практиктиг шинчилелдерни чорудар аргалыг, ылаңгыя чаа эмнерни чогаадып кылырындан эгелээш, эрте-бурунгу үнелиг чүүлдерни бүдүн-бүрүн хевээр арттырып, ону шинчилеп өөренир.