Дээди Хуралдың депутаттары кожууннар кезип, “төгерик стол” эрттирерин уламчылап турар. Ооң кол сорулгазы “Чаңгыс демниг Россия” партиязының “Улуссчу программазынга 2.0” саналдар чыыры.
Улуг-Хем болгаш Чаа-Хөл кожууннарга база ажык чугаалажыышкыннар эрткен. Аңаа депутаттар-биле кады ам болур Күрүне Думазының депутаттарының соңгулдаларынче “Чаңгыс демниг Россия” партиязының баш удур бадылаашкынының киржикчизи болур Россияның Маадыры Буян Куулар база киришкен.
Кожууннарның чурттакчылары чер-чуртун сайзырадыр талазы-биле үзел-бодалдары-биле үлежип, чугула шиитпирлээр ужурлуг берге айтырыгларын чугаалап бергеннер. Чондан кирген бүгү-ле айтырыгларны чурумчуткаш, “Улусчу программаны 2.0” тургузуп тургаш, киирер апаар.
Шак мындыг кожууннарже үнүүшкүннер уламчылап турар.
Бистиң корр.
Чуруктарны "Чаңгыс демниг Россия" партияның архивинден алган.
