Президент Владимир Путинниң эгелээшкини-биле Россияга 2025 чылдан тура “Көдээ культура ажылдакчызы” программа ажылдап эгелээн. Төлевилел 50 муң чедир чурттакчылыг көдээ черлерже көжүп ажылдаар күзелдиг культура адырының специалистерин хаара тудар сорулгалыг. Программа киржикчилеринге бир сая рубль акша түңнүг деткимчени күрүне көргүзер.
ТР-ниң Культура яамызы 2026 чылда культура адырының специалистери хереглеттинип турар 12 муниципалдыг тургузугларда 27 хостуг ажыл олуттарының даңзызын тургускан. Оларның аразында культура албан черлеринге – 9, ном саңынга – 6, уругларның уран чүүл школаларынга 12 специалист херек болуп турар:
1. Ак-Довурак хоорайның А. Үержаа аттыг төп ном саңынга библиотекарь;
2. Бай-Тайганың Тээлиде төп библиотека системазынга методист, Тээлиниң КДК-га хормейстер, Тээлиниң уругларның уран чүүл школазынга хореография башкызы;
3. Барыын-Хемчиктиң Барлыкта көдээ культура бажыңынга уран чүүл удуртукчузу, Кызыл-Мажалыкта кожууннуң культура ордузунга массалыг көргүзүглер режиссеру;
4. Каа-Хемниң Ужеп суурунда ном саңынга библиотекарь;
5. Мөңгүн-Тайганың Кызыл-Хаяда уругларның уран чүүл школазынга хореография башкызы;
6. Өвүрнүң Дус-Дагда Культура бажыңынга, Хандагайтының Культура төвүнге уран чүүл удуртукчулары, Хандагайтының уругларның уран чүүл школазынга хореография башкызы;
7. Бии-Хемниң Туранда уругларның уран чүүл школазынга улустуң ырларын ырлап өөредир башкы, Өөк суурнуң библиотеказынга эргелекчи;
8. Таңдының Бай-Хаакта Культура бажыңынга уран чүүл удуртукчузу, балетмейстер, Бай-Хаакта уругларның уран чүүл школазынга фортепиано башкызы, Бай-Хаактың төп библиотека системазынга библиограф, Межегей суурда уругларның уран чүүл школазынга домра башкызы;
9. Тес-Хемниң О-Шынаа, Шуурмак суурларының культура бажыңнарынга уран чүүл удуртукчулары, Самагалдайда уругларның уран чүүл школазынга театр уран чүүлүнүң башкызы;
10. Улуг-Хемниң Шагаан-Арыгда төп библиотека системазынга библиотекарь;
11. Чаа-Хөлдүң уругларның уран чүүл школазынга чурулга башкызы;
12. Чеди-Хөлдүң Хову-Аксыда уругларның уран чүүл школазынга фортепиано, баян, соктаар хөгжүм, хореография башкылары хереглеттинип турар.
“Көдээ культура ажылдакчызы” программага киржир күзелдиг улустан билдириишкиннерни 2026 чылдың июль 15-ке чедир хүлээп алыр. Документилерни дужаар адрези:Кызыл хоорай, Щетинкин-Кравченко кудумчузунда 46 дугаарлыг бажыңда 112 дугаарлыг кабинет. Харылзажыр тел.: 7-74-97.
/ Медээни ТР-ниң Культура яамызындан алган.
“Шын” №25 2026 чылдың июль 2
"Шын" солуннуң МАХ-каналынга каттыжыңар: max.ru/join/egenQ...