Бир буддийжи институттуң студентизи хуурак оол Башкызы-биле дацанче кирип бар чыткан. Бодунуң бодалдарынга алзыпкаш, ол эжик аксында диленип турар ядыы кижини эскербейн, ооң талазынче безин көрбейн эртип бар чыткан.
– Сен ол диленчиге даарта аштап өлүрүнден камгалап болур чес көпеек-даа сунмадың! Кандыг кончуг чүрек чок кижи боор сен! – деп, Башкы ону чемелээн. Бо сөстер өөреникчиге дыка дээштиг болган. Эртенинде дацанче кирип ора, дүрген-не диленчиге көпеектер суна каапкан.
Башкы дораан чемелей берген:
– Бо канчап бардың? Сээң стипендияң каш борбак болгай! А бо ажыл чок диленчи дораан-на сээң берген акшаңга арага садып ижиптер, оон сени кочулап-шоодар болгай! Канчап черле ындыг бүзүрээчел болур чүвел!
Хуурак оол шуут аайын тыппайн баргаш, Башкыдан чүге удурланышкак уткалыг кылдыр ону кончаанын тайылбырлап бээрин дилээн. Башкызы мынча деп-тир:
– Дүүн мен сеңээ эпчоксунуп, буруузуна бээр сеткилди кылымал арга-биле оттурган мен. Бо хүн меңээ катап база кончуттурарындан корткаш, диленчиге акшаны бердиң. Шак бо байдалда диленчи кижиге хамаарыштыр бодуңнуң туружуң кандыгыл, харыылап көрем.
https://pritchi.ru/ сайтыдан алган.
“Шын” №26 2026 чылдың июль 9
"Шын" солуннуң МАХ-каналынга каттыжыңар: max.ru/join/egenQ...