Президентиниң Сибирь федералдыг округта бүрүн эргелиг төлээзи Анатолий Серышев Иркутск облазының 2026-2027 чылдың күскү-кышкы үезинге белеткелиниң талазы-биле хуралды эрттирген
Россия Федерациязының Президентизиниң Сибирь федералдыг округта бүрүн эргелиг төлээзи Анатолий Серышев 2026-2027 чылдың күскү-кышкы үезинге Иркутск облазының белеткелинге хамаарыштыр ажылчын хуралды эрттирген.
Бүрүн эргелиг төлээниң демдеглээни-биле алырга, эрткен кыш Иркутск облазынга амыр эвес эрткен: Ангарск, Шелехов, Бодайбо хоорайларга улуг коммуналдыг айыыл-халаптар болган. Бүрүн эргелиг төлээ чериниң ажылдакчылары ооң уржуктарын чайладыр дээш, ажылды мөөңнээннер. Бо чылын кол сорулга – ындыг таварылгаларны катап болдурбазы база одалга сезонун турум эрттирери.
Амгы үеде регионнуң шупту чурттакчылыг черлеринде чуртталга бажыңнарының фондузу, котельнаялар, чылыдылга, суг, электри четкилери келир одалга сезонунга белеткенип турар. Бүрүн эргелиг төлээ кадыг одаар чүүлдү курлавырлаарын дүргедедип, соңгу чүк сөөртүлгезин долузу-биле үезинде доозар херек деп айыткан.
Коммунал инфраструктураның элеп эргижирээнинче онза кичээнгей угланган. Бо чылын 34 километр узун чылыдылга четкизин база 54,3 километр суг шугумнарын бүрүнү-биле септеп солуур ажылдарны доозары планнаттынган.
Регион эргижирээн коммунал системаларны чаартыр ажылдарга күрүне деткимчезин алган. Иркутск область бюджет чээлилеринде өрезиниң үштүң ийи кезиин үндүр бижээш, 5,4 млрд рубльден хосталган. Ол акша-хөреңгини 2030 чылга чедир чуртталга-коммунал ажыл-агыйының тос төлевилелдерин боттандырарынче ажыглаар. Казначействонуң инфраструктура чээлилеринден акшаландырыышкынны инженер-коммуналдыг инфраструктураның ийи төлевилели немей алыр.
Регионда дугуржулга аргаларын идепкейлиг ажыглап турары база демдеглеттинген: дугуржулга-биле туттунган 39 объект ажыглалче кирген, оон өске 58 объектини тудуп азы чаартып турар. Бүрүн эргелиг төлээ бо арганың дээштиин, кылдынган ажылдарның шынарын, дугуржукчулар-биле ажык-чарлыг кады ажылдажылганы улгаттырар хемчеглерни боттуг үнелээрин айыткан.
Анатолий Серышев күскү-кышкы үеге шыңгыы белеткенирин онзалап айыткан: «Сибирьде кыш харыысалга чок чорукту өршээвес». Чогуур ведомстволарның удуртукчуларынга ажылдың чорудуун боттары контрольдап, объектилерже доктаамал барып, кандыг-даа бергедээшкиннер тургустунуп кээр болза, дарый дыңнадырын дааскан.
Хуралга регионалдыг болгаш тус чер бот-башкарылгазының, коммунал болгаш энергетика организацияларының, контроль-хайгаарал органнарының удуртукчулары киришкен.