Ажы-төлүңерге тоолдардан ыыткыр номчуп туруңар. Бирээде, тода адаарыңарны (дикцияңарны) экижидип алыр силер. Ийиде, тоолду диктофонче бижидип алгаш, чай чок үеңерде кыпсып берип болур силер.
«Хүн чурумун» кезээде бижээш, азып туруңар. Ол болганчок-ла күүсеттинер.
«Сен ам-даа бичии сен» деп үргүлчү сагындырып турбаңар. Уруг удавас силерден сүме албастай бээр.
Ажы-төлүңерге амыдырал дугайында үргүлчү чугаалап, бодуңарның дуржулгаңарны дамчыдып туруңар. Ол уругнуң чаа байдалга чаңчыгарынга (адаптация) дузалаар.
Эртенги шакта уругну оттурары берге болза, аңаа компьютер оюннары азы ынак мультиктериниң дугайында айтырыглардан салыптыңар.
Бичии чаштың «А чүге?...» дээн хөй-ле айтырыгларынга, чамдыкта удур «А сен чүү деп бодаар сен?» деп удур айтырыптыңар.
Арынны Алдынай СОЯН белеткээн.
Чурукту ГигаЧатка чуруткан.
“Шын” №43 2026 чылдың ноябрь 5
"Шын" солуннуң МАХ-каналынга каттыжыңар: max.ru/channel_shyn