1925 чылдың август 31-де үнүп эгелээн

АЛДАРЛЫГ МАЛЧЫН

Кызыл кожууннуң Кур-Чер сумузунда көдээ ажыл-агыйның «Чечек» бүдүрүлге коопе­ративиниң улуг малчыны Каң-оол Норбуевич Кууларның назыны 70 харның бедиинче үнзе-даа, ынак ажылын кылбышаан, аныяктарга арга-дуржулгазын дамчыдып берип чоруур. 

Ол көдээ ажыл-агыйның бо адырында 54 чылдың дургузунда ак сеткилдиг, үре-түңнелдиг ажылдап турар. Ооң хөрээн Тываның Россияга эки тура-биле каттышканының болгаш Кызыл хоорайның үндезилеттинип тургустунганындан бээр 100 чыл оюнга тураскааткан юбилей медалы каастап чоруур. Оон аңгыда ол Кызыл кожуун чагыргазының болгаш Көдээ ажыл-агый яамызының хүндүлел бижиктери-биле шаңнаткан.

Тыва чоннуң үндезин байырлалы Наадым таварыштыр, үр чылдарда ак сеткилдиг үре-түңнелдиг күш-ажылы дээш, Каң-оол Кууларга Тываның Баштыңы Шолбан Кара-оол «Тыва Республиканың көдээ ажыл-агыйының алдарлыг ажылдакчызы» хүндүлүг атты тывыскан.

Санал-онал немээри

Image CAPTCHA
Enter the characters shown in the image.